Sukhe hue phool by Ahmad 'Faraz': Ghazal (in Urdu)

۔
           غزل
اب کے ہم بچھڑے تو شاید
     کبھی خوابوں میں ملیں،
جس طرہ سوکھے ہوئے
     پھول کتابوں میں ملیں۔


ڈھونڈ اجڑے ہوئے لوگوں
     میں وفا کے موتی،
یہ خزانے تجھے ممکن
     ہے خرابوں میں ملیں۔


غمِ دنیا بھی غمِ یار
     میں شامل کر لو،
نشا بڑھتا ہے شرابیں جو
     شرابوں میں ملیں۔


تو خدا ہے نہ میرا
     عشق فرشتوں جیسا،
دونوں انساں ہے تو کیوں
     اتنے حجابوں میں ملیں۔


آج ہم دار پہ کھینچے
     گئے جن باتوں پر،
کیا عجب کل وہ زمانے
     کو نصابوں میں ملیں۔


اب نہ وہ میں نہ وہ تو ہے
     نہ وہ ماضی ہے فراؔز،
جیسے دو سائے تمنا کے
     سرابوں میں ملیں۔

             احمدفراؔز


مشکل الفاظ:
     ☆ حجاب --- پردہ، نقاب۔
     ☆ دار --- پھانسی۔
     ☆ نصاب --- پڑھائی کا کورس یا سیلیبس۔
     ☆ ماضی --- گزرا زمانہ۔
     ☆ سراب --- دھوکھا، وہم۔
            ■■■