Sare Jahan Se Accha by Allama Iqbal :Ghazal (in Urdu)

۔
                ترانائے ہند

سارے جہاں سے اچھا 
         ہندوستاں ہمارا،
ہم بلبلیں ہیں اسکی
         یہ  گلستاں  ہمارا۔

پربت وہ سب سے اونچا
         ہم سایہ آسماں کا،
وہ سنتری  ہمارا
         وہ  پاسباں ہمارا۔

غربت میں ہو اگر ہم
         رہتا ہے دل وطن میں،
سمجھو وہیں ہمیں بھی
          دل ہے جہاں ہمارا۔

گودی میں کھیلتی ہیں
          جسکی ہزاروں ندیاں،
گلشن ہے جسکے دم سے
           رشکِ جہاں ہمارا۔

اے آبرودے گنگا
           وہ دن ہے یاد تُجھ کو،
اُترا تیرے کنارے
           جب کارواں ہمارا۔

مذہب نہیں سکھاتا
            آپس میں بیر رکھنا،
ہندی ہیں ہم وطن ہیں
            ہندوستاں ہمارا۔

یونان و مصر روما
             سب مٹ گئے جہاں سے،
اب تک مگر ہے باقی
            نام و نشاں ہمارا۔

کچھ بات ہے کہ ہستی
            مٹتی نہیں ہماری،
صدیوں رہا ہے دشمن
           دورِ زماں ہمارا۔

اقؔبال کوئی محرم
          اپنا نہیں جہاں میں،
معلوم کیا کسی کو
          دردِ نہاں ہمارا۔

              علامہ اقؔبال



مشکل الفاظ:
     ☆ گلستاں = باغ، چڑیوں کا گھر۔
     ☆ ہم سایہ = پڑوسی
     ☆ پاسباں = پہرےدار۔
     ☆ غربت = اجنبی جگہ، وطن سے دور۔
     ☆ گلشن = پھولوں کا باغیچہ۔
     ☆ رشکِ جہاں = دنیا کی جلن۔
     ☆ آبرودے = بہتا پانی۔
     ☆ کارواں = مسافروں کا غول۔
     ☆ بیر = دشمنی، رنجش۔
     ☆ روما = ملکِ روم
     ☆ دورِ زماں = زمانے کا دور۔
     ☆ محرم = سگا، اپنا۔
     ☆ دردِ نہاں= چھپا ہوا درد۔
            ●●●