Hum Tujh Se Kis Hawas Ki by Khwaja Meer 'Dard': Ghazal (in Urdu)

۔            غزل

ہم تجھ سے کس ہوس کی فلک جستجو کریں
دل  ہی  نہیں  رہا  ہے  کہ   کچھ   آرزو   کریں

مٹ   جائیں   ایک   آن   میں   کثرت   نمائیاں
ہم   آئنے   کے   سامنے   جب   آ کے   ہو   کریں

تر   دامنی   پہ  شیخ    ہماری   نہ   جا   ابھی
دامن  نچوڑ   دیں   تو   فرشتے   وضو   کریں

سر  تا  قدم  زبان  ہیں جوں  شمع  گو  کہ  ہم
پر  یہ کہاں  مجال  جو   کچھ   گفتگو   کریں 

ہر   چند   آئینہ   ہوں   پر   اِتنا  ہوں  نا   قبول
منہ  پھیر  لے  وہ  جس کے مجھے روبرو کریں

نہ   گل  کو   ہے  ثبات  نہ  ہم   کو   ہے  اعتبار
کس   بات  پر  چمن  ہوسِ  رنگ   و  بو  کریں 

ہے   اپنی  یہ   صلاح   کہ  سب  زاہدانِ   شہر
اے  درؔد   آ کے  بیعت   دست   و   سبو   کریں

            خواجہ میر درؔد

مشکل الفاظ:
     ☆ فلک ----- آسمان۔
     ☆ جستجو ----- تلاش۔
     ☆ کثرت نمائیاں ----- زیادہ دکھنے والی چیزیں۔
     ☆ جوں ----- جیسے۔
     ☆ شمع ----- مومبتی۔
     ☆ گو ----- ہلانکہ
     ☆ مجال ----- ہمت
     ☆ گفتگو ----- بات چیت
     ☆ روبرو ----- سامنے
     ☆ ثبات ----- صبر، اپنی ہالت پہ قائم رہنا۔
     ☆ ہوس ----- لالچ، بھوک۔
     ☆ زاہدان ----- زاہد، دیندار لوگ۔
     ☆ بیعت ----- دین یا دنیا کے معاملات میں کسی کے کہے پر چلنے کا عہد کرنا۔ کہا جاتا ہے کہ میں نے فلا کے ہاتھ پر بعیت کر لی، یانی اب اسکے کہے مطابق زندگی گزارونگا۔
     ☆ دست ----- ہاتھ۔
     ☆ سبو ----- سراہی، پیالہ۔
     ☆ دست و سبو ----- سراہی کا ہاتھ، پکڑنے کا کنڈھا۔
                   ■■■