Lagta nahin hai ji mera by Bahadur Shah Zafar (in Urdu)

              غزل

لگتا نہیں ہے جی مرا اُجڑے دیار میں

کس کی بنی ہے عالمِ ناپائدار میں

بُلبُل کو باغباں سے نہ صَیَّاد سے گلہ

قسمت میں قید لکھی تھی فصلِ بہار میں 

کہہ دو اِن حسرتوں سے کہیں اور جا بسیں

اتنی جگہ کہاں  ہے دلِ  داغدار میں

کانٹوں کو مت نکال چمن سے او باغباں

یہ بھی گلوں کے ساتھ پلے ہیں بہار میں

اک شاخِ گل پہ بیٹھ کے بلبل ہے شادمان

کانٹے بچھا دیے ہیں دلِ لالہ زار میں

عُمْرِ دراز مانگ کے لائے تھے چار دن

دو آرزو میں کٹ گئے دو انتظار میں

دِن زندگی کے ختم ہوئے شام ہو گئی

پھیلا کے پاؤں سوئیں گے کُنجِ مزار میں

کتنا ہے بدنصیب ظفر دفن کے لیے

دو گز زمین بھی نہ ملی کوئے یار میں

       بہادر شاہ ظفر

مشکل الفاظ:
     ☆دیار ۔۔۔۔۔ سرزمین۔

     ☆عالمِ ناپائدار۔۔۔۔۔ فانی دنیا۔

     ☆باغباں۔۔۔۔۔ باغ کا رکھوالا۔

     ☆صَیَّاد۔۔۔۔۔ پرندوں کا شکاری۔

     ☆فصلِ بہار۔۔۔۔۔ بہار کا موسم۔

     ☆حسرتوں۔۔۔۔۔ ارمان، خواہشیں۔

     ☆دلِ  داغدار۔۔۔۔۔ داغوں سے بھرا دل۔

     ☆ شاخِ گل۔۔۔۔۔ پھولوں کی شاخ۔

     ☆ شادمان۔۔۔۔۔ خوش۔

     ☆دلِ لالہ زار۔۔۔۔۔ پھولوں کے باغیچے نما دل۔

     ☆عُمْرِ دراز۔۔۔۔۔ لمبی عمر۔

     ☆آرزو۔۔۔۔۔ خواہش۔

     ☆کُنجِ مزار۔۔۔۔۔ مزار کی جگہ۔

     ☆بدنصیب۔۔۔۔۔  بدقسمت۔

     ☆کوئے یار۔۔۔۔۔ یار کی گلی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

LAGTA NAHI HAI JI