Ghazals of All Times

                غزل لگتا نہیں ہے جی مرا اُجڑے دیار میں کس کی بنی ہے عالمِ ناپائدار میں بُلبُل کو باغباں سے نہ صَیَّاد سے گلہ قسمت میں قید لکھی تھی فصلِ بہار میں   کہہ دو اِن حسرتوں سے کہیں اور جا بسیں اتنی جگہ کہاں  ہے دلِ  داغدار میں کانٹوں کو مت نکال چمن سے او باغباں یہ بھی گلوں کے ساتھ پلے ہیں بہار میں اک شاخِ گل پہ بیٹھ کے بلبل ہے شادمان کانٹے بچھا دیے ہیں دلِ لالہ زار میں عُمْرِ دراز مانگ کے لائے تھے چار دن دو آرزو میں کٹ گئے دو انتظار میں دِن زندگی کے ختم ہوئے شام ہو گئی پھیلا کے پاؤں سوئیں گے کُنجِ مزار میں کتنا ہے بدنصیب ظفر دفن کے لیے دو گز زمین بھی نہ ملی کوئے یار میں        بہادر شاہ ظفر مشکل الفاظ:      ☆دیار ۔۔۔۔۔ سرزمین۔      ☆عالمِ ناپائدار۔۔۔۔۔ فانی دنیا۔      ☆باغباں۔۔۔۔۔ باغ کا رکھوالا۔      ☆صَیَّاد۔۔۔۔۔ پرندوں کا شکاری۔      ☆فصلِ بہار۔۔۔۔۔ بہار کا موسم۔      ☆حسرتوں۔۔۔۔۔ ارم...

              غزل تجھی کو جو یہاں جلوہ فرما نہ دیکھا، برابر ہے دنیا کو دیکھا نہ دیکھا۔ مرا غنچۂ دل ہے وہ دل گرفتہ، کہ جس کو کسی نے کبھی وا نہ دیکھا۔ یگانہ ہے تُو آہِ بیگانگی میں، کوئی دوسرا اور ایسا نہ دیکھا۔ اذیت مصیبت ملامت بلائیں، ترے عشق میں ہم نے کیا کیا نہ دیکھا۔ کیا مجھ کو داغوں نے سروِ چراغاں، کبھی تو نے آ کر تماشا نہ دیکھا۔ تغافل نے تیرے یہ کچھ دن دکھائے، ادھر تو نے لیکن نہ دیکھا نہ دیکھا۔ حجابِ رخِ یار تھے آپ ہی ہم، کھلی آنکھ جب کوئی پردا نہ دیکھا۔ شب و روز اے دردؔ در پے ہوں اس کے، کسی نے جسے یہاں نہ سمجھا نہ دیکھا۔       خواجہ میر دردؔ  نوٹ: حسبِ ادوار کچھ الفاظ میں معمولی ترمیم کی گئی ہے۔ مشکل الفاظ:      ☆جلوہ فرما ۔۔۔ کسی کے سامنے اپنی پوری خوبصورتی سے یا جلال کے ساتھ آنا۔      ☆غنچۂ دل ۔۔۔ دل کی کلی۔      ☆دل گرفتہ ۔۔۔ اُداس دل، جکڑا ہوا دل۔      ☆وا ۔۔۔ کھلا ہومشکلا، ظاہر کر دینا۔      ☆یگانہ ۔۔۔ اکیلا، ج...

               ۔                 غزل کل چودھویں کی رات تھی شب بھر رہا چرچا تیرا، کچھ نے کہا یہ چاند ہے کچھ نے کہا چہرا تیرا۔ ہم بھی وہیں موجود تھے ہم سے بھی سب پوچھا کیے، ہم ہنس دئیے ہم چپ رہے منظور تھا پردہ تیرا۔ اس شہر میں کس سے ملیں ہم سے تو چھوٹیں محفلیں، ہر شخص تیرا نام لے ہر شخص دیوانا تیرا۔ کوچے کو تیرے چھوڑ کر جوگی ہی بن جائیں مگر، جنگل ترے پربت ترے بستی تری صحرا تیرا۔ ہم اور رسم بندگی آشفتگی افتادگی، احسان ہے کیا کیا ترا اے حسن بے پروا تیرا۔ بے شک اسی کا دوش ہے، کہتا نہیں خاموش ہے، تو آپ کر ایسی دوا، بیمار ہو اچھا تیرا۔ دو اشک جانے کس لیے پلکوں پہ آ کر ٹک گئے، الطاف کی بارش تری اکرام کا دریا تیرا۔ اے بے دریغ و بے اماں ہم نے کبھی کی ہے فغاں، ہم کو تری وحشت سہی ہم کو سہی سودا تیرا۔ تو باوفا، تو مہرباں، ہم اور تجھ سے بدگماں، ہم نے تو پوچھا تھا ذرا، یہ وصف کیوں ٹھہرا تیرا۔ ہم پر یہ سختی کی نظر ہم ہیں فقیر رہ گزر، رستہ کبھی روکا ترا دامن کبھی تھاما تیرا۔ ہاں ہاں تری صورت حسیں لیکن تو ...

-            غزل             میرا نصیب ہوئیں تلخیاں زمانے کی، کسی نے  خوب سزا دی ہے مسکرانے کی۔       میرے خدا مجھے طارق کا حوصلہ ہو عطا،       ضرورت آن پڑی کشتیاں جلانے کی۔ میں دیکھتا ہوں ہر اک سمت پنچھیوں کا ہجوم، الٰہی خیر ہو صیاد کے گھرانے کی۔       قدم قدم پہ صلیبوں کے جال پھیلا دو،       کہ سرکشی کو تو عادت ہے سر اُٹھانے کی۔ شریکِ جرم نہ ہوتے تو مخبری کرتے، ہمیں خبر ہے لٹیروں کے ہر ٹھکانے کی۔       ہزار ہاتھ گریباں تک آ گئے ازہر،       ابھی تو بات چلی بھی نہ تھی زمانے کی۔                ازہر درانی مشکل الفاظ:       ☆ تلخیاں --- کڑواہٹ، دشمنی، مخالفت۔       ☆ طارق --- صبح کا ستارہ، سخت حادثہ، رات کو چلنے والا۔       ☆ عطا --- پانا، دینا، کوئی چیز مل جانا۔       ☆ ہجوم --- جھنڈ، گول، بھیڑ بھاڑ۔       ☆ الٰہی --- ...

        غزل آہ کو چاہیے اِک عُمر اثر ہونے تک، کون جیتا ہے تری زُلف کے سر ہونے تک۔ دام ہر موج میں ہے حلقۂ صد کامِ نہنگ، دیکھیں کیا گُزرے ہے قطرے پہ گُہر ہونے تک۔ عاشقی صبر طلب اور تمنّا بیتاب، دل کا کیا رنگ کروں خونِ جگر ہونے تک ہم نے مانا کہ تغافل نہ کرو گے لیکن، خاک ہو جائیں گے ہم تم کو خبر ہونے تک۔ پرتوِ خُور سے ہے شبنم کو فنا کی تعلیم، میں بھی ہوں ایک عنایت کی نظر ہونے تک۔ یک نظر بیش نہیں فُرصتِ ہستی غافل، گرمئ بزم ہے اِک رقصِ شرر ہونے تک۔ غمِ ہستی کا اسدؔ کس سے ہو جُز مرگ علاج، شمع ہر رنگ میں جلتی ہے سحر ہونے تک۔          مرزا غالب مشکل الفاظ:      ☆  آہ— بددُعا۔      ☆  سر— جیتنا۔      ☆  دام— جال، پھندا۔      ☆  موج— لہر۔      ☆  حلقۂ — دائرہ۔      ☆  صد کام —  سو منہ۔      ☆  نہنگ— مگرمچھ۔      ☆  حلقۂ صد کا...

۔               غزل      یہ چراغ بے نظر ہے یہ ستارہ بے زباں ہے،      ابھی تجھ سے ملتا جلتا کوئی دوسرا کہاں ہے۔      کبھی پاکے تجھ کو کھونا کبھی کھوکے تجھ کو پانا،      یہ جنم جنم کا رشتہ تیرے میرے درمیاں ہے۔      میرے ساتھ چلنے والے تجھے کیا ملا سفر میں،      وہی دکھ بھری زمیں ہے وہی دکھ بھرا آسماں ہے۔      وہی شخص جس پہ اپنے دل و جاں نثار کردوں،      وہ اگر خفا نہیں ہے تو ضرور بدگماں ہے۔      میں اسی گماں میں برسوں بڑا مطمئن رہا ہوں،      تیرا جسم بے تغیر میرا پیار جاوداں ہے۔      انہیں راستوں نے جن پر کبھی تم تھے ساتھ میرے،      مجھے روک روک پوچھا تیرا ہمسفر کہاں ہے۔                    —ڈاکٹر بشیر بدر مشکل الفاظ:        ☆ بے  نظر    ...

-       غزل: مرنے کی دعائیں کیوں مانگوں جینے کی تمنا کون کرے، یہ دنیا ہو یا وہ دنیا اب خواہش دنیا کون کرے۔      جب تجھ کو تمنا میری تھی      تب مجھ کو تمنا تیری تھی،      اب تجھ کو تمنا غیر کی ہے  تو     اب تیری تمنا کون کرے۔ جو آگ لگائی تھی تم نے اس کو تو بجھایا اشکوں سے، جو اشکوں نے بھڑکائی ہے اس آگ کو ٹھنڈا کون کرے۔      جب کشتی ثابت وسالم تھی      ساحل کی تمنا کس کو تھی،      اب ایسی شکستہ کشتی پر      ساحل کی تمنا کون کرے۔ دنیا نے ہم کو چھوڑا جذبؔی ہم چھوڑ نہ دیں کیوں دنیا کو، دنیا کو سمجھ کر بیٹھے ہیں اب دنیا دنیا کون  کرے۔       معین احسن جذبی ‌ مشکل الفاظ:       ☆  اشکوں۔۔۔۔ آنسؤں.       ☆  کشتی۔۔۔۔ ناؤ۔       ☆  ثابت وسالم۔۔۔۔ صحیح سلامت۔       ☆  ساحل۔۔۔۔ کنارا۔       ☆...

-       غزل ترے عشق کی انتہا چاہتا ہوں، مری سادگی دیکھ کیا چاہتا ہوں۔ ستم ہو کہ ہو وعدۂ بے حجابی، کوئی بات صبر آزما چاہتا ہوں۔ یہ جنت مبارک رہے زاہدوں کو، کہ میں آپ کا سامنا چاہتا ہوں۔ ذرا سا تو دل ہُوں مگر شوخ اتنا، وہی لن ترانی س ُ نا چاہتا ہوں۔ کوئی دم کا مہماں ہوں اے اہلِ محفل، چراغِ سحر ہوں بُجھا چاہتا ہوں۔ بھری بزم میں راز کی بات کہہ دی، بڑا بے ادب ہو سزا چاہتا ہوں۔ علامہ اقبال مشکل الفاظ:       ☆  انتہا // آخر۔       ☆  ستم // ظلم، سختی۔       ☆  بے حجابی // بے پردہ ہونا، چہرا دکھانا۔       ☆  صبر آزما // صبر آزمانے والی۔       ☆  زاہد // عبادت گزار۔       ☆  شوخ // چنچل۔       ☆  لن ترانی // شوخی۔       ☆  کوئی دم // کچھ  پل۔       ☆  اہلِ محفل // محفل کے لوگ۔       ☆  چراغِ سحر // صبح کا چراغ۔       ☆...

۔       غزل غضب کیا ترے وعدے پہ اعتبار کیا، تمام رات قیامت کا اِنتظار کیا۔ ہنسا ہنسا کے شبِ وصل اشک بار کیا، تسلیاں مجھے دے دے کے بے قرار کیا۔ کسی طرح جو نہ اس بُت نے اعتبار کیا، مری وفا نے مُجھے خوب شرمسار کیا۔ یہ کس نے جلوہ ہمارے سر مزار کیا، کہ دل سے شور اٹھا ہاۓ بے قرار کیا۔ نہ آئے راہ پہ وہ عِجز بے شُمار کیا، شبِ وصال بھی میں نے تو اِنتظار کیا۔ سنا ہے تیغ کو قاتل نے آب دار کیا، اگر یہ سچ ہے تو بے شبہ ہم پہ وار کیا۔ تجھے تو وعدۂ دیدار ہم سے کرنا تھا، یہ کیا کیا کہ جہاں کو امیدوار کیا۔ کہاں کا صبر کہ دم پر ہے بن گئی ظالم، بہ تنگ آئے تو حالِ دل آشکار کیا۔ تڑپ پھر اے دلِ ناداں کہ غیر کہتے ہیں، اخیر کچھ نہ بنی صبر اختیار کیا۔ یہ دل کو تاب کہاں ہے کہ ہو مآلِ اندیش، انہوں نے وعدہ کیا اس نے اعتبار کیا۔ ملے جو یار کی شوخی سے اسکی بے چینی، تمام رات دلِ مُضطرب کو پیار کیا. بُھلا بُھلا کے جتایا ہے ان کو راز نہاں، چُھپا چُھپا کے مُحبت کو آشکار کیا۔ نہ اُس کے دل سے مٹایا کہ صاف ہو جاتا، صبا نے خاک پریشاں مرا غُبار کیا۔ ہم ایسے محوِ نظارہ نہ تھے جو ہوش آتا، مگر تُمہ...

-               غزل کچھ  یادگارِ  شہرِ  ستم  گر ہی  لے  چلیں، آئے ہیں اس گلی میں تو پتھر ہی لے چلیں۔ یوں کس طرح کٹے گا کڑی دھوپ کا سفر، سر پر خیالِ  یار کی  چادر  ہی  لے  چلیں۔ رنجِ سفر  کی  کوئی  نشانی  تو  پاس  ہو، تھوڑی سی خاک  کوچۂ  دلبر ہی لے چلیں۔ یہ کہہ  کے چھیڑتی  ہے ہمیں دل گرفتگی، گھبرا  گئے  ہیں آپ  تو  باہر  ہی  لے چلیں۔ اس شہرِ بے چراغ میں جائے گی تو کہاں، آ  اے  شبِ فراق  تجھے گھر ہی لے چلیں۔               ناصؔر کاظمی      مشکل الفاظ:             ☆ یادگارِ شہرِ ستم گر ---- ظلمی کے شہر کی یاد۔            ☆ رنجِ سفر ---- سفر کا دکھ۔            ☆ کوچۂ دلبر ---- دلبر کی گلی۔         ...

۔         غزل ابتدائے عشق ہے روتا ہے کیا، آگے آگے دیکھئے ہوتا ہے کیا۔ قافلے میں صبح کے اک شور ہے، یعنی غافل ہم چلے سوتا ہے کیا۔ سبز ہوتی ہی نہیں یہ سر زمیں، تخم خواہش دل میں تو بوتا ہے کیا۔ یہ نشانِ عشق ہیں جاتے نہیں، داغ چھاتی کے عبث دھوتا ہے کیا۔  غیرت یوسف ہے یہ وقت عزیز، میرؔ اس کو رائیگاں کھوتا ہے کیا-                 میر تقی میرؔ         نوٹ۔ میرؔ کے اصلی دیوان میں پہلا شعر کچھ بدلا ہوا ہے جو کہ نیچے دیا گیا ہے۔ لیکن اوپر غزل میں وہی شعر دیا گیا ہے جو لوگوں میں صدیوں سے مقبول ہے۔ یہ پتہ نہیں چل پایا ہے کہ یہ تبدیلی اُنہونے بعد میں خود کی تھی يا کسی اور نے۔               راہ دور عشق میں روتا ہے کیا،               آگے آگے دیکھیے ہوتا ہے کیا۔ مشکل الفاظ:      ☆  ابتدا ۔۔۔۔۔۔۔۔۔۔۔ شروعات۔      ☆  قافلے ۔۔۔۔۔۔۔۔۔۔ مس...

۔                غزل کمرباندھے ہوئےچلنےکو یاں سب یاربیٹھے ہیں، بہت آگے گئے  باقی جو  ہیں  تیار  بیٹھے  ہیں۔ نہ  چھیڑ   اے  نکہتِ   بادِ  بہاری  راہ   لگ  اپنی، تجھےاٹھکھیلیاں سوجھی ہیں ہم بیزار بیٹھےہیں۔ تصورعرش  پر  ہے اور سر ہے پائے ساقی  پر، غرض کچھ اوردُھن میں اس گھڑی میخواربیٹھے ہیں۔ یہ اپنی چال ہے اُفتادگی سے اب کہ پہروں  تک، نظر  آیا  جہاں   پر  سایۂ   دیوار    بیٹھے   ہیں۔   بسانِ   نقشِ   پائے   رہرواں   کوئے    تمنّا    میں، نہیں اٹھنے کی طاقت کیا کریں لا چار بیٹھے ہیں۔ کہاں صبر  و  تحمّل  آہ  ننگ و نام کیا  شے  ہے، یہاں رو پیٹ کر ان سب کو ہم یکبار بیٹھے ہیں۔   نجیبوں کا عجب کچھ حال ہے اس دور میں یارو، جہاں پوچھو  یہی کہتے ہیں ہم بیکار  بیٹھے ہیں۔ کہیں بوسے کی مت جرا...

          غزل سو بار چمن مہکا، سو بار بہار آئی، دنیا کی وہی رونق، دل کی وہی تنہائی۔ اک لحظہ بہے آنسو، اک لحظہ ہنسی آئی، سیکھے ہیں نئے دل نے اندازِ شکیبائی۔ یہ رات کی خاموشی یہ عالمِ تنہائی، پھر درد اٹھا دل میں پھر یاد تری آئی۔ اس عالمِ ویراں میں کیا انجمن آرائی، دو روز کی محفل ہے اک عمر کی تنہائی۔ رونے سے کیا ہے حاصل اے دل سودائی، اس پار بھی تنہائی اس پار بھی تنہائی۔ اس موسمِ گل ہی سے بہکے نہیں دیوانے، ساتھ ابرِ بہاراں کے وہ زلف بھی لہرائی۔ ہر دردِ محبّت سے الجھا ہے غمِ ہستی، کیا کیا ہمیں یاد آیا جب یاد تری آئی۔ چرکے وہ دیئے دل کو محرومیٔ قسمت نے، اب ہجر بھی تنہائی اور وصل بھی تنہائی۔ جلوؤں کے تمنّائی جلوؤں کو ترستے ہیں، تسکین کو روئیں گے جلوؤں کے تمنّائی۔ دیکھے ہیں بہت ہم نے ہنگامے محبّت کے، آغاز بھی رسوائی، انجام بھی رسوائی۔ دنیا ہی فقط میری حالت پہ نہیں چونکی، کچھ تیری بھی آنکھوں میں ہلکی سی چمک آئی۔ اوروں کی محبت کے دہرائے ہیں افسانے، بات اپنی محبت کی ہونٹوں پہ نہیں آئی۔ افسونِ تمنّا سے بیدار ہوئی آخر، کچھ حسن میں بے باکی کچھ عشق میں ز...

۔          غزل جب  سے  بلبل  تو نے  دو تنکے لیے، ٹوٹتی   ہیں   بجلیاں   ان  کے   لیے۔ تند   مے اور  ایسے  کم سِن   کے لیے، ساقیا   ہلکی   سی  لا   اِن   کے  لیے۔ ہے جوانی خود  جوانی کا  سنگھار ، سادگی گہنا  ہے  اس  سِن   کے  لیے۔ پاک  رکھا  پاک  دامن  سے  حساب، بوسے بھی گن کے دیئے، گن کے لئے۔ سب حسیں ہیں زاہدوں کو نا پسند، اب  کوئی  حور  آئے گی  اِن کے لئے۔ کون  ویرانے  میں  دیکھے  گا   بہار، پھول  جنگل  میں کھلے کن کے لیے۔ دن  میرا  روتا  ہے  میری  رات   کو، رات  روتی  ہے  میری  دن   کے  لئے۔ ساری  دنیا  کے ہیں  وہ میرے  سوا، میں  نے دنیا  چھوڑ دی جن کے لیے۔ باغباں  کلیا...